1. 臨床心理學家同精神科醫生有咩分別？
首先要搞清楚，係冇「心理醫生」呢回事，只有臨床心理學家同精神科醫生。因為臨床心理學家並唔係醫科背景，所以唔係「醫生」。
臨床心理學家同埋精神科醫生都係治療精神病以及情緒困擾嘅專業人士，但兩者用嘅方法唔同。臨床心理學家係使用實證為本 (evidence-based) 嘅心理治療，透過面談同埋練習，與患者共同疏理出困擾住佢哋嘅癥結，協助佢地紓緩困擾帶來嘅影響；精神科醫生主要用藥物治療，會處方精神科藥物去調整引致精神問題嘅大腦神經傳遞物質嘅不平衡。
（更多：不同的服務提供者)
2. 點知啲心理學家合唔合資格？
香港冇臨床心理學家嘅註冊制度，所以係人都可以話自己係心理學家，心理學會多到你唔知邊個打邊個，所以服務使用者要識得保護自己！加上依家有好多假資歷假學位，唔好見到博士就中個頭埋去。
認住「香港心理學會臨床心理學組」 (HKPS DCP) ，呢個會員資格係最歷史悠久，名冊上嘅臨床心理學家均受政府公營機構認可。可以參考香港心理學會臨床心理學組名單：http://goo.gl/8psRaa。
3. 幾時先要求助？
好似其他生理病咁，每個人決定去睇醫生嘅情形都有所不同，有人咳就會睇醫生，有人發燒都唔睇醫生，因人而異，盡快尋求協助、盡早治療會較理想，但都要照顧自己嘅步伐。只要個情況對你或你身邊嘅人造成困擾，對你嘅生活造成一定嘅影響，你就可以考慮尋求專業協助。
4. 邊度有服務？
以下係一啲香港現有心理健康服務既資料，供大家參考之用。有自學支援服務、有臨床心理服務、有app、有熱線，希望人人都揾到啱自己既服務。
（排序不分先後，本帖並未羅列哂所有服務）
---
[自學支援服務]
---
[臨床心理服務]
1) 精神健康綜合社區中心*
(18區都有中心，可以walk-in)
各區中心電話及地址：
2) 社會福利署 綜合家庭服務中心
查詢電話: 2343-2255
各區中心電話及地址：http://tiny.cc/k64r7y (3.2019更新)
3) 香港大學心理服務組
查詢電話: 3917-2387
http://tiny.cc/fe5r7y (6.2019更新)
4)香港明愛(臨床心理服務) - 堅道明愛家庭服務部
查詢電話: 2843-4664
5) 基督教家庭服務中心 臨床心理服務組
查詢電話: 2318-0398
6) 香港心理衛生會 - 傅德枬輔導及發展中心
查詢電話: 3583-1196
7) 香港中文大學醫學院 香港健康情緒中心
查詢電話: 2144-6004
http://tiny.cc/yh5r7y (6.2019更新)
8) 香港中文大學 臨床及健康心理學中心
查詢電話: 3943-1073
http://tiny.cc/ht5r7y (6.2019更新)
(費用按個別情況而定)
---
[私人執業臨床心理家以及精神科醫生]
1) 香港心理學會 註冊臨床心理學家名單
非政府(志願)機構：http://tiny.cc/8p4r7y (4.2020更新)
私人執業：http://tiny.cc/ju4r7y (4.2020更新)
2) 香港醫務委員會 註冊精神科(專科)醫生
http://tiny.cc/5n5r7y (6.2019更新)
---
[熱線服務]
1) 思覺失調服務計劃
查詢及轉介熱線：29-283-283
2) 利民會《即時通》
24小時精神健康支援熱線：3512-2626
---
[其他資料]
如果你係大學生，可以查詢大學既輔導處；如果你係公營/政府機構既員工，好多機構都有專比員工既臨床心理服務，例如係醫管局、入境處、警署、懲教署等等，可以去部門網頁了解詳情。
嗚謝：
"如何選擇臨床心理學家Clinical Psychologist 2.0" 協助更新內容
5. 點拎轉介信?
公立醫院嘅精神科一般接受以下人士嘅轉介信，而求診者拎咗轉介信之後可以選擇去任何一間醫院排期，並無區域限制：
－街症或私家普通科門診醫生：
好似平時有頭暈身㷫睇街症咁，當覺得自己好受情緒困擾嗰陣都一樣可以同街症醫生講，尤其詳細啲去講你嘅徵狀、情緒困擾點樣影響你嘅生活，有冇傷害自己嘅念頭等等，醫生就會幫你寫低具體情況而出信俾你。
－私家精神科醫生：
如果想快啲接受評估及支援，又可以出多啲錢嘅話，可以見一次私家精神科醫生先，醫生會將佢嘅初步臨床診斷列喺轉介信上面，畀求診者自行遞交去醫院。
6. 排期排幾耐㗎？
收到轉介信後，需要帶埋身分證明文件一併送到你所選擇嘅公立醫院預約排期，會先由資深精神科護士作分流，醫生會視乎你嘅困擾程度同埋風險，決定第一次嘅會面時間。一般由遞交轉介信直至第一次會面，需時1星期至3年不等，按病情而定。(詳情可見：http://ha.org.hk/visitor/sopc_waiting_time.asp?id=7&lang=CHIB5)
如果你認為情況急切，覺得自己嘅情緒好唔穩定，隨時會傷害自己或者有自殺念頭，可以立即去公立醫院嘅急症室，經護士分流後見醫生，醫生初步診斷後會安排住院或者轉介精神科門診，輪候時間一般好短。
另外可以考慮非牟利機構臨床心理服務 （有啲非牟利機構可以唔使預約，及接受跨區人士尋求服務）。
7. 公立、私家、NGO邊個好？
第一係價錢分別，公立服務首次見面$100，之後覆診每次$60；私家精神科醫生及臨床心理學家收費為每次$800-$2500不等；至於NGO通常得臨床心理學家，冇精神科醫生，NGO嘅臨床心理服務收費比私家平，由免費到$1500不等。（個別服務會按服務使用者嘅收入而調節收費，需向個別服務查詢）
另外就係時間，公立服務嘅輪候時間頗長，會面時間一般較短以及見得比較疏，而NGO同私家嘅輪候時間較短，會面時間一般較長以及見得比較密。
點都好，最後都需要個別再查詢邊樣最適合自己。
8. 有無免費服務？
除咗以上提及過部份精神健康綜合社區中心 (ICCMW) 同非牟利機構有免費服務，社會福利署嘅綜合家庭服務中心(IFSC) 都可以經社署社工轉介，按情況再安排約會見臨床心理學家，接受免費嘅臨床服務。
另外，部分公司職員福利包括免費心理支援服務並承諾保密，例如醫管局心靈綠洲為職員提供免費心理服務及治療小組，唔少私營機構亦有同非牟利機構合作提供免費職員心理支援服務，大學學生輔導處亦會為學生提供免費嘅心理支援服務。
最後，網上有啲資源都係免費㗎，但小心了解機構背景，睇下係咪真係可靠呀。
9. 接受服務前有咩準備？
醫生同臨床心理學家會問你問題，你只要如實咁描述你嘅情況就可以，就好似睇醫生咁問你邊度唔舒服咁。多數都會問到你嘅家庭、社交、工作、或者其他資料。（實際情況個別服務可能有所不同）
覺得緊張、提及某啲經歷時可能會有唔舒服嘅感覺，都係好自然嘅，只要按自己覺得合適嘅步伐盡量坦白就可以啦。
（更多：8件接受心理治療前要知道的事）
Commentaires