小時候响學校做評估，聽力專家對住我皺哂眉頭。眼見其他同學仔好快就做完評估，而我就默默咁等。事後我先知道雙耳患有弱聽，左耳去到嚴重弱聽程度。起初我都唔知道弱聽對我生活會有咩影響，長大之後，先開始感受到當中嘅困擾！
「點解下下都要人遷就你？你唔好好醫你個病，仲要我講多幾次你先聽到呀？你知唔知你有幾麻煩？」
「喂！你係唔專心定係刻意聽唔到我叫你做嘢？」
由細到大，我默默咁承受其他人嘅批評，睇見其他人嘅唔理解，內心總係會感到好難受。
自從患上咗抑鬱症之後，我好努力去繼續生活。
「點解你成日自己一個人坐係度又唔做野？黑口黑面咁無精神，唔怪得無人鍾意你啦。」
「咦！你用2蚊八達通？你扮小朋友定你有病呀？好心你就唔好去呃人、浪費資源啦」
「你原來可以開心？我以為你一世都開心唔到，咁咪好囉唔好再咁灰啦。」
其實精神病好似聽障咁，無樣睇！每個人都有唔同嘅一面，每一日好多人响身邊走過嘅時候，我哋戴咗咩眼鏡去看待呢個世界嘅人?
by Chocolate
Comments